گلاسگو زلمی ، لندن زلمی ، اسٹیٹس زلمی اور مانامی زلمی نے اپنے میچز جیت لیے

اسلام آباد میں جاری گلوبل زلمی کے پانچویں دن کھیلے گئے میچ میں گلاسگو زلمی نے ٹورینو زلمی کو 144رنز سے ہراکر آؤٹ کلاس کردیا ۔ پہلے بیٹنگ کرتے ہوئے گلاسگوزلمی نے بیس اوورز میں 4وکٹوں پر 220رنز بنائے ۔ جواب میں ٹورینو زلمی کی ٹیم 76رنز پر ڈھیر ہوگئی ۔ ایک اور میچ میں لندن زلمی نے پیرس زلمی کو 89رنز سے شکست دیدی ۔ لندن زلمی کے اسکور 198رنز چار کھلاڑی آؤٹ کے جواب میں پیرس زلمی کی ٹیم 109رنز پر پویلین لوٹ گئی ۔ تیسرے میچ میں اسٹیٹس زلمی نے وکٹوریہ زلمی کو 131رنز سے ہرادیا ۔ اسٹیٹس زلمی نے پہلے بیٹنگ کرتے ہوئے 7وکٹوں پر 220رنز بنائے ، جواب میں وکٹوریہ زلمی کی ٹیم 89رنز پر ڈھیر ہوگئی ۔ چوتھے میچ میں مانامہ زلمی نے شاوزنگ زلمی کو 79رنز سے ہرادیا ۔