پہلے مرحلے میں زلمی ہیڈکوچ محمد اکرم کا سوات میں زلمی اکیڈمی کا دورہ
پشاور زلمی نے پشاور اور خیبر۔پختونخواہ کے دیگر علاقوں کے بعد پاکستان کے
خوبصورت شمالی علاقہ جات میں کرکٹ کے فروغ کا بیڑہ اٹھالیا۔ پہلے مرحلے میں پشاور
زلمی کے ہیڈکوچ اور ڈائریکٹر کرکٹ محمد اکرم نے سوات میں زلمی اکیڈمی کا دورہ کیا ۔
محمد اکرم نے اکیڈمی میں نوجوان کرکٹرز کو کوچنگ ٹپس فراہم کیں اور ٹیلنٹ کو سراہا۔
اس موقع پر محمد اکرم نے کہا کہ پشاور زلمی کے چیرمین جاوید آفریدی کے ویژن کے
مطابق پورے خیبر پختونخواہ اور شمالی علاقہ جات میں زلمی اکیڈمیز بنائیں گے۔ پشاور
زلمی اس سے قبل خیبر پختوانخوہ میں گراس روٹ لیول پر کرکٹ کےفروغ کے لیے زلمی ٹیلنٹ
ہنٹ، ہائیر زلمی ہینڈرڈ پچز پروجیکٹ، زلمی اسکول لیگ، زلمی مدرسہ لیگ، زلمی آزادی
کپ کا بھی انعقاد کرچکی ہے۔