لاہور میں بڑے پیمانے پر بے نامی ٹرانزیکشنز کا انکشاف ہوا ہے۔ ضلعی انتظامیہ کی جانب سے نو زونز سے تعلق رکھنے والی 1796 بے نامی جائیدادوں کا ریکارڈ ایف بی آر کے سپرد کر دیا گیا ہے۔
ذرائع کے مطابق سمن آباد زون میں سب سے زیادہ 479 جائیدادوں کی خریداری کے لیے بے نامی ٹرانزیکشنز دیکھنے میں آئیں ہیں جبکہ وسرے نمبر پر داتا گنج بخش زون میں 355 ٹرانزیکشنز ہوئیں۔ اسی طرح ہی واہگہ ٹاون کے علاقے میں 263،، گلبرگ ٹاؤن میں 211، راوی ٹائون میں 151، علامہ اقبال ٹائون میں 117، نشتر ٹائون میں 44اور شالامار ٹائون میں 17بے نامی جائیدادوں کے لیے ٹرانزیکشنز کی گئیں ہیں۔
ایف بی آر کا کہنا ہے کہ تمام زونز کا ڈیٹا محفوظ کرلیا گیا ہے اور تحقیقات مکمل ہونے کے فوری بعد ان افراد کے خلاف سخت کاروائی کی جائے گی۔
واضح رہے کہ بے نامی ٹرانزیکشن ایسے جائیدادیں ہوتی ہیں جو مالکان دوسرے لوگوں کے نام پر ظاہر کرتے ہیں۔