شہرِ قائد میں گزشتہ روز سے سرد ہوائیں چل رہی ہیں جس کی وجہ سے درجہ حرارت میں کمی واقع ہوئی ہے۔
محکمہ موسمیات کی جانب سے شہریوں کو خبردار کر دیا کہ بغیر احتیاطی تدابیر اپنائے گھر سے باہر نا نکلیں کیونکہ آئندہ 24 گھنٹوں کے دوران کراچی کا موسم خشک اور رات کے وقت شدید سرد رہنے کا امکان ہے۔
محکمہ موسمیات کے مطابق شہر کا کم سے کم درجۂ حرارت 3۔10 ڈگری سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 22 سے 24 ڈگری سینٹی تک رہنے کا امکان ہے۔
شہر میں شمال مشرق کی سمت کی جانب سے 10 کلو میٹر فی گھنٹہ کی رفتار سے ہوائیں چل رہی ہیں جس میں نمی کا تناسب 36 فیصد ریکارڈ کیا گیا۔