اوپر موجود تصویر میں اس شخصیت کو پہچان سکتے ہیں کہ یہ آج کے کون سے مشہور ترین اداکار کا بچپن ہے؟
درحقیقت یہ اداکار بہت ہی کم وقت میں پاکستان میں بہت زیادہ مقبول ہوچکے ہیں بلکہ یہ کہنا بھی درست ہوگا کہ یہ اب تک کروڑوں دلوں میں جگہ بنا چکے ہیں۔
ویسے پاکستان سے باہر بھی ان کے مداحوں کی تعداد یقیناً کروڑوں میں ہوگی کیونکہ ان کا ایک کردار سب کے دلوں کو بھا گیا ہے۔
اگر آپ بھی نہیں پہچان سکیں تو ایک اشارہ دیتے ہیں کہ یہ ایک ترک اداکار کے بچپن کی تصویر ہے۔
تو کیا آپ اس اشارے سے اداکار کو پہچاننے میں کامیاب ہوگئے؟
اگر نہیں تو جان لیں کہ مذکورہ تصویر میں یہ انجین التان دوزیتان ہیں جو 26 جولائی 1979 کو ترکی کے شہر ازمیر میں پیدا ہوئے۔
اور یہ کہنے کی ضرورت نہیں کہ ارطغرل کا کردار ادا کرنے والے اداکار اس وقت پاکستان میں کتنے مشہور ہیں۔
ایک ویب سائٹ میں ان کے بچپن کی اس تصویر کو شیئر کیا گیا تھا۔
انجین نے تھیٹر کی تعلیم حاصل کرنے کے بعد ایک ٹی وی سیریل رخسار سے کیرئیر کا آغاز کیا تھا اور متعدد فلموں اور ڈراموں میں اداکاری کرچکے ہیں۔
مگر 2014 سے نشر ہونے والے ڈرامے دیریلیش ارطغرل نے انہیں دنیا بھر میں مقبول کردیا تھا۔