زیتون ایک سدا بہار درخت ہے اور مُختلف ممالک میں زیتون کی متعدد اقسام پائی جاتی ہیں،فارمی زیتون کی باقاعدہ کاشت ہوتی ہے اور اس سے موٹے سائز کا پھل حاصل کر کے تیل تیار کیا جاتا ہے۔ زیتون کو ایک تاریخی اہمیت بھی حاصل ہے۔
زرعی ماہرین کے مطابق زیتون کا درخت زندگی اور امن کی علامت ہے۔ زیتون کی ایک ہزار سے زائد اقسام ہیں۔ زیتون کا تیل دل کی بیماری پٹھوں کی کمزوری اور نیند کی کمی جیسے امراض کیلئے بے حد مفید ہے زیتون کا درخت سدا بہار ہے۔
اس کی بلندی 15 میٹر جبکہ پھیلاؤ 10 میٹر تک ریکارڈ کیا گیا ہے۔ زیتون کے پودے تپتے صحرا سے لے کر برف پوش پہاڑ کی چوٹیوں تک اُگائے جاسکتے ہیں۔
زیتون کے پودے عام طور پر چار سے پانچ سال کی عمر میں پھل دینا شروع کر دیتے ہیں زیتون کے پودے پر پھول آنے کا عمل زیتون کی قسم اورموسمی حالات پرمنحصر ہے پھول آنے کے بعد 4 تا 5 ماہ تک پھل پک کر تیار ہوجاتا ہے۔