اسمارٹ فون استعمال کرنے کی عادت تو ہم سب کو ہی ہے کیونکہ یہ ڈیوائز ہماری زندگی کا اہم ترین حصہ بن چکی ہے اور متعدد کام اسی کے ذریعے پورے ہوتے ہیں۔ لیکن کیا آپ نے کبھی اس بات پر غور کیا ہے کہ جب آپ اپنا نیا فون خریدتے ہیں تو کچھ عرصے بعد ہی اس کی کارکردگی پہلے کی طرح نہیں رہتی۔
فون کی کارکردگی متاثر ہونے کی ایک وجہ ہماری خود کی معمولی غلطیاں ہوتی ہیں جسے ہم معمول بنا لیتے ہیں اور ایسے ہمارے فون کی بیٹری وقتاً فوقتاً متاثر ہونا شروع ہوجاتی ہے۔
تو چلیں جانتے ہیں کہ ایسی کون سی عادتیں ہیں جو ہمارے اسمارٹ فون کی بیٹری خراب کر رہی ہیں۔
1۔ بیک وقت متعدد ایپلی کیشنز کُھلی ہونا
ہمارے اسمارٹ فون میں بیک وقت متعدد ایپلی کیشنز کُھلی ہوئی ہوتی ہیں اور اس وجہ سے ہمیں تقریباً ہر ایپلی کیشن سے ہی بار بار نوٹیفکیشن بھی موصول ہورہے ہوتے ہیں۔
اسمارٹ فون میں بیک وقت متعدد ایپلی کیشنز کُھلی ہونے کی وجہ سے اس کی بیٹری پر اثر پڑتا ہے، ضروری ہے کہ آپ اپنے فون میں تمام تر ان ایپلی کیشنز کو بند رکھیں جس کی آپ کو ضرورت نہیں ہے۔
2- خراب سروس
اکثر ایسے جگہیں ہوتی ہیں جہاں پر موبائل فون میں لگی ہوئی سِم کے نیٹ ورک موصول نہیں ہوتے اور ایسے میں بار بار ایس ایم ایس اور کال کرنے سے موبائل فون کی بیٹری متاثر ہو سکتی ہے۔
جن جگہوں پر نیٹ ورک کا مسئلہ ہو تو ضرری ہے کہ آپ ان جگہوں پر کالز اور ایس ایم ایس کرنے سے گریز کریں کیونکہ یہ عادت آپ کے فون کی بیٹری فوری نقصان پہنچانے کا شبب بن سکتی ہے۔
3- ہر وقت بلیو ٹوتھ کھلی رکھنا
متعدد افراد اسمارٹ فونز کے معاملے میں بہت لا پرواہ نظر آتے ہیں اور بلیو ٹوتھ استعمال کرنے کے بعد بھی اسے بند کرنا بھول جاتے ہیں۔
اسمارٹ فون میں بلاوجہ بلیوٹوتھ کُھلا رکھنے کی یہ عادت فون کی بیٹری کو خراب کرسکتی ہے، اس لئے ضروری ہے کہ جیسے ہی بلیو ٹوتھ کا کام ختم ہوجائے تو اسے فوراً بند کر دیا جائے۔
4- ہر وقت تصاویر اور ویڈیوز بنانا
یہ ایک بہت ہی عام عادت ہے جو کہ ہم میں سے اکثر لوگوں میں پائی جاتی ہے، ہر وقت تصاویر اور ویڈیوز بنانے سے اسمارٹ فون کی بیٹری پر بہت برا اثر پڑتا ہے۔