دن رات آپ اس طرح کی خبریں پڑھتے ہوگے کہ طیاروں کو کسی تکنیکی وجوہات کی بنا پر پرواز کرنے سے روک دیا گیا ہے۔
مگر کولکتہ سے ممبئی سے جانے والی طیارے میں ایک اچانک پراسرار واقعات پیش آیا، جب عملے کو طیارے میں سے سانپ کی موجودگی کی اطلاع ملی۔
ہوا کچھ یوں کہ، کولکتہ سے ممبئی جانے والی ایک نجی کمپنی کا طیارہ انڈیگو اڑان سے قبل صفائی کیلئے ایک ویرانے میں کھڑا کیا گیا تھا۔ وہاں پر موجود ایک صفائی پر مامور شخص نے دیکھا کہ جہاز میں موجود سامان کے ساتھ سانپ کو لپٹا ہوا ہے۔
تاہم، وہاں پر موجود عملے نے فوری طور پر محکمہ جنگلات کے حکام کو طلب کرلیا اور آس پاس کے علاقے کو فوراً حالی کرالیا گیا۔
بعد ازاں چند کوششوں کے بعد محکمہ جنگلات کے حکام نے سانپ کو پکڑ لیا۔ محکمہ جنگلات کے حکام کا کہنا تھا کہ، یہ اس سانپ کی نسل ہے جو دراصل غیر زہریلی ہوتی ہے۔ حکام کے مطابق، اس طرح کے سانپ رائے پور میں پائے جاتے ہیں اور ہوسکتا ہے کہ یہ سانپ بھی وہیں سے کسی سامان کہ ساتھ جہاز میں آگیا ہو۔ تاہم بھارتی میڈیا کے مطابق، کسی مسافر کی جانی نقصان کی کوئی اطلاع نہیں ملی، جبکہ رپورٹ کے مطابق، مسافروں کو ممبئی جانے والی دوسری پرواز کے ذریعے روانہ کردیا۔