افغانستان میں طالبان کی حکومت قائم ہونے کے بعد طالبان جنگجوؤں کی آئے روز طرح طرح کی ویڈیوز سامنے آرہی ہوتی ہیں۔ آج ہم آپ کو ایک ایسی ہی ویڈیو کے بارے میں بتائیں گے جہاں طالبان جنگجوؤں نے امریکی ہیلی کاپٹر کو جھولا بنایا ہوا ہے۔
سوشل میڈیا پر ایک ویڈیو وائرل ہو رہی ہے جس میں دیکھا جاسکتا ہے کہ طالبان جنگجو امریکی ہیلی کاپٹر کو بطور جھولا استعمال کررہے ہیں۔
ویڈیو میں دیکھا جاسکتا ہے کہ طالبان جنگجو ہیلی کاپٹر کے پروں پر بیٹھے جھول رہے ہیں۔ جبکہ دیگر افراد پروں کو دھکا لگا کر ان کو جھولا دے رہے ہیں۔
افغان صحافی کی جانب سے شیئر کی گئی اس ویڈیو کو اب تک ہزاروں لوگ دیکھ چکے ہیں۔ جبکہ افغان صحافی نے ویڈیو کو پوسٹ کرتے ہوئے لکھا کہ طالبان جنگجوؤں کو امریکی بلیک ہاک ہیلی کاپٹر سے کھیلنا پسند ہے۔