عائشہ اکرام نے جب سے ریمبو پر الزام لگایا ہے اور ان کی آڈیو لیک ہوئی ہیں اس وقت سے جہاں ہر طرف عائشہ کو لعن طعن کیا جا رہا ہے وہیں ایک حلقہ ریمبو کے خلاف بھی آوازیں اٹھائی جا رہی ہیں، جہاں ہر جگہ مینار واقعے کو مختلف پہلوؤں سے دیکھا جا رہا ہے وہیں نجی ٹی وی کی جانب سے ریمبو کے والدین سے انٹرویو لیا جس میں بوڑھے والدین نے عائشہ اکرام کے خلاف ایسے سنگین الزامات لگائے ہیں جو شاید کیس کا رخ بدل سکتے ہیں۔
ریمبو کے والدین نے بتایا کہ:
''
عائشہ روز ریمبو کو فون کرکے خود بلاتی ہے اور کہتی ہے کہ تو صرف میرے ساتھ ویڈیو بنائے گا، اگر تو نے کسی اور کے ساتھ کام کرے گا تو میں تجھے کام بھی نہیں کرنے دوں گی، میں تجھے جیل میں بند کرکے مروا دوں گی۔ ہمیں دیگر باتوں کا تو کچھ نہیں پتہ لیکن جب سے وہ واقعہ ہوا تھا اس وقت ریمبو نے اس کو بچایا، وہ اسکے ساتھ ہی رہا، لیکن جب کچھ وقت پہلے اس کی طبیعت خراب ہوئی، اور وہ گھر آیا تو اس کو روزانہ فون کرکے کہتی تھی کہ تم آجاؤ، ہم کچھ اور پلاننگ کریں گے۔ ہم غریب لوگ ہیں، ہمارا بچہ بے قصور ہے، عائشہ اس کو جھوٹے مقدمے میں پھنسا رہی ہے ۔۔
''
ریمبو کے بھائی نے بتایا کہ:
''
عائشہ کہتی ہے کہ وہ ڈیڑھ سال میں ریمبو کو 10 لاکھ روپے دیتی ہے جبکہ وہ خود ایک ہسپتال میں نرس ہے اور اس کی تنخواہ 70 ہزار روپے ہے وہ بھی اکیلی اپنے گرھ کو چلانے والی ہے تو آپ خود بتاؤ 70 ہزار کی تنخواہ میں کیسے اس نے کمائے اور وہ کہاں سے لائی؟ کیا وہ کوئی غلط کام کرے لائی یا کچھ بیچ کر، بتاؤ کوئی ہمیں ذرا، پہلے وہ اپنا دامن کو سدھار لے
''
بھائی نے مذید بتایا کہ:
''
جب ریمبو یہاں آیا تو اس نے ہمیں صرف اتنا بتایا کہ عائشہ صرف شہرت اور پیسہ کمانے کی خاطر یہ سب کر رہی ہے وہ ہر گرفتار ہونے والے شخص سے 5 ، 5 لاکھ روپے کی ڈیمانڈ کرکے پیسہ کماؤں گی، یہ صرف اور صرف شہرت حاصل کرنے کے لئے کر رہی ہے۔
''
ریمبو کے 3 چھوٹے بچے ہیں، 2 بیٹے اور ایک بیٹی ہے اور بیٹی صرف باپ کو ہمیشہ یاد کرتی رہتی ہے ہم بچوں کو جھوٹے دلاسے دیتے رہتے ہیں، عائشہ کو معلوم ہے کہ ریمبو کے 3 بچے ہیں، تینوں چھوٹے ہیں وہ کسی سے کیا پیسے لے گا وہ تو خود پیسے کمانے کی خاطر خود محنت کرتا ہے۔