حکومت کو بد دعائیں دینے والا یہ شہری کون ہے اور اس کے ساتھ کیا سلوک ہوا؟ جانیے حیران کن معلومات

عوام اب تو کچھ زیادہ ہی مہنگائی سے تنگ آ گئی ہے جس کا منہ بولتا ثبوت یہ ہے کہ خیبر پختونخواہ کے شہر مردان کا ایک ایسا رہائشی ہے جو وزیراعظم عمران خان کو بد دعا دیتا ہے جس پر مقامی پولیس نے اسے گرفتار کر لیا ہے۔

یہی نہیں بلکہ اس شخص نے اپنے علاقہ مکینوں سے مسجد کے لاؤڈ اسپیکر پر درخواست کی کہ وہ بھی وزیراعظم عمران خان کو بد دعائیں دیں تاکہ جلد انکی حکومت ختم ہو جائے۔

24 نیوز کے مطابق اس شہری نے خصوصاََ بچوں اور خواتین سے التجا کی کہ اب مہنگائی بہت ہو گئی ہے اور آپ ضرور دعا کریں کہ اس حکومت سے جان چھوٹ جائے۔

مزید یہ کہ اس بندے کیخلاف تھانہ ہوتی میں لاؤڈ اسپیکر کے غلط استعمال کا مقدمہ درج کیا گیا تھا لیکن اب بعض میڈیا زرائع کا کہنا ہے کہ مذکورہ شخص کو ضمانت پر رہا کر دیا گیا۔

واضح رہے کہ پیٹرول 137 روپے ہونے پر عوام کے صبر کا پیمانہ لبریز ہو گیا ہے جس کے بعد عوام میں بہت طیش پایا جاتا ہے۔ اور اس طرح کے واقعات بھی اب شدید مہنگائی کی وجہ سے ہی وجود میں آرہے ہیں۔ یہ خبر پاکستان کے ایک مایانا ز اینکر و صحافی جاوید چوہدری کی ویب سائیٹ سے حاصل کی گئی۔