نور مقدم کو جس طرح بے دردی سے مارا گیا وہ ہم سب کے سامنے ہے، کس طرح اس کو مارنے والے مجرم ظاہر اور اس کے والدین ایک جواب بچی کے قتل پر خود کو بچانے کی
خاطر تدبیریں کر رہے ہیں لیکن ساتھ ہی ساتھ نور کے گھر والے اس کے غم سے نڈھال ہیں۔
آج نور کی سالگررہ ہے جس پر اس کی بہن سارہ مقدم نے اپنے انسٹاگرام اکاؤنٹ پر ایک
پوسٹ شیئر کی جس میں انہوں نے لکھا کہ:
''
ہیپی برتھ ڈے نور
،میں نے کئی بار بیٹھ کرتمہارے لیے کچھ لکھنے کا سوچا لیکن لکھ نہ سکی
میں کبھی یہ سوچ بھی نہیں سکتی تھی کہ تمہیں سالگرہ کی مبارکباد دینے کے بجائے میں تمہیں یاد کرکے کچھ لکھوں گی یا آنسو بہاؤں گی، کاش میں اس بار بھی میں تمہیں رات کو سرپرائز برتھ ڈے وش کرتی اور یہ ظاہر کرسکتی کہ مجھے اپنی بہن سے کتنی محبت ہے۔
مجھے افسوس ہے کہ ہم اس مرتبہ ایک ساتھ کیک نہیں کاٹ سکتےمگر میں ہر لمحے تمہاری مغفرت کی دعا کرتی ہوں۔
مجھے یقین نہیں ہوتا کہ ہم ایک دوسرے سے جنوری 2020 سے مل نہیں سکے اور ہمیں اس سال بھی ملاقات کا موقع نہیں مل سکا۔
مجھے امید ہے نور تم اوپر سے سب کچھ دیکھ رہی ہوں گی کہ دنیا تمہیں انصاف دلوانے کی خواہش مند ہے۔
تمہارے جانے کے بعد میں نے عودہ کیا تھا کہ میں بھی تمہاری طرح سب سے پیار، جانوروں سے محبت، سب کا خیال کروں گی۔
تم ہمیشہ میری چھوٹی بہن، ننھا فرشتہ اور ایک بہترین دوست رہو گی،''