کراچی کے علاقے نارتھ ناظم آباد میں عبداللہ کالج کے قریب سی این جی اسٹیشن میں گیس لیکیج سے دھماکا ہوا جس کے نتیجے میں 4 افراد جاں بحق جبکہ 3 زخمی ہوگئے۔
ذرائع کے مطابق دھماکے کے نتیجے میں چار افراد جاں بحق ہوگئے اور 3 زخمیوں کو فوری طور پر اسپتال منتقل کردیا گیا ہے۔
پولیس ذرائع کا کہنا ہے کہ دھماکے کی نوعیت سے متعلق کچھ بھی کہنا قبل از وقت ہے، بم ڈسپوزل اسکواڈ کو طلب کیا گیا ہے۔
ایس ایس پی سینٹرل کے مطابق دھماکے میں 4 افراد جاں بحق اور 6 زخمی ہوئے ، جس کمرے میں دھماکا ہوا اس میں کوئی سلینڈر نصب نہیں ہے۔