آج کل تو ہر کوئی پُرانے زمانے کا نہیں بلکہ اپنے بچوں کا نام نئے سے نیا رکھتا ہے لیکن آج ہم آپ کو ایک ایسے بچے کے بارے میں بتانے جا رہے ہیں جس کا نام اتنا الگ نیا اور عجیب ہے کہ یہ سوشل میڈیا پر وائرل ہو گیا۔

اب آپ بھی سوچ رہے ہیں کہ لالو یا کالو آخر ایسا بھی کیا نام رکھ دیا، لیکن جناب یہ نام تو واقعی ایسا ہے کہ سن کر آپ بھی حیران ہو جائیں گے اور ہنس پڑیں گے۔

سوشل میڈیا پر وائرل ہونے والا بچے کا عجیب نام

یہ انکشاف چند روز قبل کورونا ویکسی نیشن کرنے والے طبی عملے کو ہوا جسے پہلے وہ مذاق سمجھے لیکن جب انہوں نے اس بچے کا اسکول آئی ڈی کارڈ دیکھا تو وہ یہ جان کر حیران رہ گئے کہ اس پر بھی بچے کا نام ’ABCDEF GHIJK ZUZU‘ لکھا تھا۔

ہے نہ حیران کر دینے والا دنیا کا سب سے منفرد نام انڈونیشیا میں رہنے والے ایک بارہ سالہ بچے کا یہ نام ’اے بی سی ڈی ای ایف، جی ایچ آئی جے کے زُوزُو‘ تاہم اس بچے کے والد نے رکھا ہے، والدین نے ایسا نام رکھنے کی وجہ بھی بتا دی ہے۔

انڈونیشین میڈیا کا کہنا ہے کہ اس بچے کے والد کا نام ذوالفہمی اور والدہ کا نام زُوہرُو لیانی ہے، ان دونوں ناموں کے ابتدائی حصوں کو یکجا کرکے اس بچے کا آخری نام ’زُوزُو‘ بنایا گیا ہے۔

بات یہیں ختم نہیں ہوئی، اس بچے کے والدین نے بتایا کہ انہوں نے بہت پہلے ہی یہ طے کرلیا تھا کہ اپنے پہلے بچے کا نام ’ABCDEF GHIJK‘ رکھیں گے؛ اور اگر اس کے بعد مزید بچے ہوئے تو ان کے نام بھی NOPQ RSTUV اور XYZ رکھیں گے۔