کروز پارٹی منشیات کیس میں گرفتار آریان خان کی رہائی کے بعد ان کے سوشل میڈیا اکاؤنٹ پر بڑی تبدیلی، آریان نے اپنے تصدیق شدہ سوشل میڈیا اکاؤنٹ سے تصویر ہٹا دی۔
منشیات کیس میں گرفتار آریان خان کو ضمانت پر رہائی مل گئی جس کے بعد بالی وُڈ کنگ شاہ رُخ خان کے بیٹے آریان خان نے اپنے تصدیق شدہ سوشل میڈیا اکاؤنٹ سے اپنی پروفائل پکچر ہی ہٹا دی جس کے بعد اب ان کی پروفائل پر کوئی تصویر نہیں لگی ہوئی۔
یاد رہے کہ دو روز قبل ہی منشیات کیس میں گرفتار آریان خان کو ممبئی کی آرتھر روڈ جیل سے ضمانت پر رہا کیا گیا۔
ضمانتی مچلکے جوہی چاولہ کی جانب سے جمع کروائے گئے تھے جبکہ جیل سے رہائی ملنے کے بعد اپنی رہائش گاہ ''منت'' پہنچنے پر مداحوں کی جانب سے آریان خان کا شاندار استقبال کیا گیا تھا۔
بھارتی میڈیا کے مطابق اب شاہ رُخ اور گوری اپنے بیٹے کی حفاظت کے لئے مستقل طور پر ان کے ساتھ ایک خصوصی باڈی گارڈ رکھنے کا فیصلہ کر چکے ہیں، بھارتی میڈٰیا کا یہ بھی کہنا ہے کہ ممکن ہے شاہ رُخ آریان کو خود سے دور یعنی ملک سے باہر بھیجنے کا بھی سوچ رہے ہیں تاہم اس وقت آریان کا پاسپورٹ ضبط ہے اور انہیں ملک سے باہر جانے کی اجازت نہیں۔