شعیب اختر نے انسٹاگرام پر بھارت کی افغانستان کے خلاف جیت پر تبصرہ کرتے ہوئے ویڈیو شیئر کر دی، کہا بھارت اور افغانستان کا میچ فکس ہے یہ نہ کہا جائے بلکہ ہم تو دعا کر رہے ہیں بھارت فائنل میں آئے اور ہم ان کی پھینٹی لگائیں۔
تفصیلات کے مطابق قومی کرکٹ ٹیم کے سابق کھلاڑی شعیب اختر نے اپنے انسٹاگرام اکاؤنٹ سے ویڈیو جاری کی ہے، شعیب اختر نے ویڈیو میں کہا کہ ہندستان والے دل چھوٹا نہ کریں ہم تو چاہتے ہیں کہ آپ فائنل میں آئیں ہم دعائیں کر رہے ہیں کہ بھارت فائنل میں ہمارے مدِ مقابل ہو اور ہم بھارت کی پھینٹی لگائیں''۔
انہوں نے مزید کہا کہ ''انڈیا کو شروع سے ہی اچھی پرفارمنس دکھانی چاہیئے تھی پاکستان نے انڈیا پر حملہ کیا تو انڈیا کی ٹیم ہی بکھر گئی لیکن جیسا انہوں نے افغانستان کے ساتھ کھیلا ہے ویسا ہی پہلے کھیلتے تو اتنی مشکل کا سامنا نہیں کرنا پڑتا''۔
شعیب اختر نے کہا کہ سب کچھ نیوزی لینڈ پر منحصر ہے اگر نیوزی لینڈ ایک بھی میچ اور جیت جاتی ہے تو بھارت کے لیے کوالیفائی کرنا مشکل ہو جائے گا اگر نیوزی لینڈ ہارتی ہے تو بھارت کا چانس بن سکتا ہے۔
انہوں نے کہا ہے کہ بطور پاکستانی ہم تو چاہتے ہیں کہ بھارت آگے آئے اور ہمارے ساتھ کھیلے اور بھارتی ٹیم کو ایک اور “موقع “دیا جائے۔