صرف پاکستان ہی نہیں دنیا بھر میں مہنگائی اپنے عروج پر پہنچ رہی ہے، کل تک یہ دنیا چائلڈ لیبر کی وجہ سے پریشان تھی کہ بچوں سے کام کیوں کروایا جاتا ہے لیکن اب غربت کی لکیریں اس قدر گہری ہوگئی ہیں کہ بچے اب کچرے میں سے ہی کھانا، پینا، کپڑے اور جوتے ڈھونڈنے لگے ہیں۔
ایسی ہی دلخراش ویڈیوز سوشل میڈیا پر وائرل ہوتی رہتی ہیں، فیس بک پر حرا نامی صارف نے ایک ویڈیو شیئر کی جس میں بچیاں کچرے میں سے کپڑے چن رہی تھیں، ویڈیو دیکھ کر سوشل میڈیا صارفین بھی غمزدہ ہوگئے۔
کسی نے کہا کہ کھانا پلیٹ میں بچا کر پھینکنے سے اچھا ہے کہ کھانا خود پیک کرکے غریبوں کو دے دیں، البتہ کسی نے کہا کہ اگر مہنگائی کے جن کو قابو نہ کیا گیا تو وہ لوگ جو آج گھروں میں بیٹھ کر کھا رہے ہیں وہ کل تک سڑکوں پر آجائیں گے۔
ایک صارف کا کہنا ہے کہ:
''
میرے خُدا! یہ کیسا ظلم ہے کہ ایوانوں میں بیٹھے ہوئے حکمرانوں کے غسل خانوں تک میں اے سی لگے ہوئے ہیں اور غریب بیچارے بھوک و افلاس سے قبر کی دہلیز پر کھڑے ہیں۔
''