کراچی کے نجی اسکول میں لیڈیز واش روم سے خفیہ کیمرے نکل آئے، دیکھیے ویڈیو

image

تعلیمی ادارے ایک ایسی جگہ ہیں جہاں تعلیم اور تربیت دی جاتی ہے اسی لیے یہ جگہ محفوظ بھی سمجھی جاتی جاتی ہے مگر آج کے دور میں یہ مقام بھی غیر محفوظ ہو گئے ہیں۔ ہماری ویب ڈاٹ کام ایک ایسی خبر سے متعلق آپ کو معلومات فراہم کرے گی جو ہو سکتا ہے آپ کو بھی حیرت میں مبتلا کردے۔

کراچی کے ایک نجی اسکول میں ایسا واقعہ پیش آیا ہے جس نے اداروں کو سوچنے پر مجبور کر دیا ہے۔ دراصل ہوا کچھ یوں ہے کہ کراچی کے علاقے صفورا میں ایک اسکول کے واش روم میں خفیہ کیمرے نصب ہونے کا انکشاف ہوا ہے۔ دی ہیریکز نامی نجی اسکول کے واش رومز میں طلباء اور طالبات سمیت اساتذہ کی بھی خفیہ کیمروں کی مدد سے ویڈیوز بنائی جاتی تھیں۔ یہ کیمرے میل اور فی میل دونوں واش رومز میں نصب کیے گئے تھے۔
کیمروں کو اس طرح نصب کیا گیا تھا کہ کوئی بھی انہیں دیکھ کر یہی سمجھے کہ سوئچ بورڈ ہے اور بجلی کے تاروں کا کنیکشن آ رہا ہے۔ لیکن اس سوئچ بورڈ میں کیمرے نصب تھے جو کہ ریکارڈنگ کر رہے تھے۔ سندھ کے تعلیمی اداروں کی ویجیلنس ٹیم کو جب اطلاع ملی تو ٹیم نے اچانک چھاپہ مارا اور اس بات کا انکشاف ہوا کہ اسکول کے تمام واش رومز میں کیمرے نصب ہیں۔
خواتین اساتذہ کی جانب سے شکوک وشبہات کی بنا پر محکمہ تعلیم کو شکایت کی گئی تھی جس پر ٹیم نے چھاپہ مارا۔ محکمہ نے اسکول کی رجسٹریشن معطل کر دی ہے اور تحقیقات بھی شروع کر دی ہیں۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US