میں اپنی ماں کے پیر دھوتا ہوں کیونکہ ۔۔ جانیے اس شخص کے بارے میں، جو ماں کے پیر سے دھو کر وہی پانی پیتا ہے

آج کے دور میں انسان اس حد تک مصروف رہتا ہے کہ وہ بھول ہی جاتا ہے کہ اپنی جنت کو خود ہی اپنے ہاتھوں سے گنوا رہا ہے۔ یعنی اپنی ماں کا خیال ہی نہیں رکھ رہا۔ ہماری ویب ڈاٹ کام ایک ایسے شخص سے متعلق آپ کو بتائے گی جو لوگوں کے لیے مثال بن گیا۔

پنجاب سے تعلق رکھنے والے نادر ویسے تو مڈل کلاس فیملی سے تعلق رکھتے ہیں، مڈل کلاس فیملی جو کہ کئی مشکلات سے گزر رہی ہوتی ہے مگر نادر نے اپنے گھر کو اور اپنی جنت کو بھی خوب سنبھالا ہوا ہے۔ نادر کو پتہ ہے کہ اپنی جنت یعنی اپنی ماں کی کس طرح خدمت کرنی ہے نادر اپنی والدہ کے پاؤں دھوتے ہیں اور جس پانی سے پاؤں دھوتے ہیں اسے پی جاتے ہیں۔ دراصل نادر کا کہنا ہے کہ آج کے دور میں لوگ اپنی ماں کا خیال نہیں رکھتے، حالانکہ جنت میں جانے کا ایک راستہ یہ بھی ہے۔ نادر گزشتہ 12 سال سے اپنی والدہ کی خدمت کر رہے ہیں جبکہ وہ والدہ کے پیروں کو روازنہ اپنے ہاتھوں سے دھوتے ہیں۔ نادر کا کہنا ہے کہ انہیں یہ کر کے سکون ملتا ہے۔ نادر کہتے ہیں کہ ماں ہمیں نو ماہ اٹھا کر رکھتی ہے اسی لیے اس کے قدموں تلے جنت ہوتی ہے۔ آج کے دور میں ماں باپ کی نافرمانی بہت ہے۔ والدہ کا کہنا تھا کہ بیٹا بہت فرمانبردار ہے میری بہت خدمت کرتا ہے، گزشتہ 12 سالوں سے میرے پاؤں دھو رہا ہے، میں منع کرتی ہوں کہ پانی نہ پیو مگر بیٹا نہیں مانتا۔