آسٹریلیا کے خلاف کیچ ڈراپ ہونے پر حسن علی پر شائقین کی جانب سے مایوسی کا اظہار کیا جارہا تھا۔ تاہم ورلڈ ٹی20 کپ کی دوڑ سے باہر ہونے کے بعد حسن علی کا پہلا بیان سامنے آگیا۔
حسن علی نے ٹوئٹر پر پیغام میں اپنے جذبات قوم کے سامنے رکھ دیئے۔ حسن علی نے لکھا کہ مجھے اندازہ ہے کہ آپ میری پرفارمینس سے دکھی ہونگے، جیسی آپ نے مجھ سے امیدیں وابستہ کر رکھی تھیں، لیکن مجھ سے زیادہ افسوس کسی اور کو نہیں۔
انہوں نے مزید کہا کہ مجھ سے امیدیں نہ چھوڑنا، میں اور محنت کروں گا تاکہ پاکستان کیلئے کھیل سکوں۔ الحمد اللہ اس برے وقت نے مجھے اور بھی زیادہ طاقتور بنا دیا ہے۔
حسن علی نے شائقین کا شکریہ ادا کرتے ہوئے، قومی نغمے کے بول شئیر کیے۔