ہر روز ہی دنیا میں بے شمار ایسے واقعات ہوتے ہیں جنہیں دیکھ کر ہمیں اپنی ہنسی پر قابو نہیں رہتا بلکل اسی طرح کا ایک واقعہ آج ایک کپڑے کی دوکان میں پیش آیا ہے جہاں ایک تیز رفتار موٹر سائیکل سوار اپنی تیز رفتاری کے باعث ایک دم دوکان میں داخل ہو گیا ہے۔
یہ واقعہ بھارت ایک شہر کا ہے ویڈیو میں صاف دیکھا جا سکتا ہے کہ جیسے ہی موٹر سائیکل دوکان میں داخل ہوئی تو کاؤنٹر کے ساتھ زور سے ٹکرائی اور موٹر سائیکل سوار کاؤنٹر کی دوسری جانب جا گرا اس اچانک ہونے والے واقعے کی وجہ سے دوکان میں آئیں شاپنگ کیلئے خواتین میں خوف پیدا ہو گیا اور وہ اٹھ کھڑی ہوئیں۔
یہ ایک سی سی ٹی وی ویڈیو ہے جسے بھارتی صحافی نے سماجی رابطے کی ویب سائیٹ ٹویٹر پر اپلوڈ کیا ہے۔ سوشل میڈیا پر جاری کردہ اس ویڈیو میں جو تاریخ نظر آ رہی ہے اس کے مطابق یہ ویڈیو اسی ماہ کی ہے ارو اس سے ظاہر ہے کہ یہ حادثہ بھی اسی ماہ کا ہے تاہم موٹر سائیکل سوار اب کس حالت میں ہے یا پھر دوکان دار کا کتنا نقصان ہوا اس بارے میں ابھی کچھ کہا نہیں جا سکتا ۔
واضح رہے کہ اس سے پہلے بھی اسی طرح کی ایک ویڈیو سوشل میڈیا کی زینت بنی تھی جس میں دو تیز رفتار موٹر سائیکل سوار ایک محلے سے گزر رہے ہیں اور ایک گلی سے دوسری گلی کی جانب موڑنا چاہ رہے ہیں لیکن تیز رفتاری کے باعث موڑ نہیں پائے اور موڑ پر موجود گھر میں جا گھسے۔