بلیاں پالنے کا ہر شوق ہر کسی کو ہوتا ہے اور آض جس خاص بلی کا ہم ذکر کرنے جا رہے ہیں وہ چار کانوں والی ترکش بلی ہے جو سوشل میڈیا پر وائرل ہورہی ہے اورلوگوں کی خاص توجہ حاصل کر رہی ہے۔
سرمائی رنگ کی چار کانوں والی بلی سے متعلق معلوم ہوا ہے کہ اس کی پیدائش روسی اور نیلی آنکھوں والی بلی کے ملاپ سے ہوئی ہے۔ پہلے تو اس خوبصورت چار کانوں والی بلی کا کوئی گھر نہیں تھا پھر بعدازاں ایک ترک خاتون نے اسے اپنے گھر میں جگہ دے دی جو اب ان کے پاس محفوظ ہے۔
اس بلی کو میڈاس نام دیا گیا ہے۔ اس کے کانوں کے نیچے چھوٹے اضافی کان موجود ہیں۔ ڈاکٹرز کے مطابق بلی ٹھیک طرح سے سن سکتی ہے یعنی اس کی سماعت کا کوئی مسئلہ نہیں ہےاور اضافی کانوں سے اس پر کوئی فرق نہیں پڑا ہے۔ میڈاس نامی بلی بہت خوبصورت ہے کہ ہر کوئی اسے پالنے کا خواہش مند ہے۔
جب میڈاس چار ماہ کی ہوئی تب اسے ترک خاتون نے پالنا شروع کردیا تھا کہ شاید انہیں دیکھ کر دیگر لوگ بھی پیدائشی نقص والے جانوروں سے محبت کرنے لگیں گے۔رپورٹس ک مطابق خاتون پہلے سے ہی کتے اور بلی کی ملک ہیں اور انہوں نے سوچا کہ میڈاس کا وہاں دل لگ جائے گا۔
میڈاس گہری سرمئی رنگت والی ایک خوبصورت بلی ہے جس کا انسٹاگرام اکاؤنٹ بنایا گیا ہے اور اس کے 25000 فالوورز ہیں۔