پاکستان سے نوکری کی تلاش میں ہر سال متعدد افراد بیرون ملک جاتے ہیں اور کئی باہر جانے کی خواہش بھی رکھتے ہیں۔
ہماری ویب ڈاٹ کام کی اس خبر میں آپ کو ایک ایسے ہی واقعہ سے متعلق بتائیں گے جس میں لوگ نوکری کا اشتہار دیکھ کر چلے آئے۔
راولپنڈی کا راول روڈ اس وقت جنگ کا میدان بن گیا جب متعدد افراد بحرین پولیس میں نوکری کی درخواست لے کر آ گئے۔
امیدوار اس وقت مشتعل ہو گئے جب انہیں معلوم ہوا کہ یہ نوکری کا اشتہار ہی جعلی ہے۔ سینکڑوں افراد سوشل میڈیا پر موجود بحرین پولیس کے اشتہار کو دیکھ کر راول روڈ پر واقع فوجی ٹاور کے ارد گرد جمع ہو گئے۔
لیکن جب سوشل میڈیا کے اس پوسٹ کی حقیقت کا جب علم ہوا تو کئی افراد مشتعل ہو گئے اور فوجی ٹاور کی عمارت پر پتھراؤ شروع کر دیا۔
ہجوم کو مشتعل ہوتا دیکھ انتظامیہ نے پولیس کو بلا لیا، بعدازاں حالات خراب ہونے پر پولیس کی جانب سے ہوائی فائرنگ بھی کی گئی۔