پاکستان میں بڑھتی مہنگائی کا رونا تو آج ہر شخص رو رہا ہے لیکن آج حیرت انگیز طور پر مہنگائی کا شکوہ ایک انوکھے انداز میں کیا گیا۔
سربیا میں پاکستانی سفارت خانے کی سرکاری ویب سائٹ پر ایک ٹوئٹ کیا گیا جس میں ہیک کرنے والے نے لکھا کے “سفارت خانے کے عملے کو پچھلے تین ماہ سے تنخواہ نہیں ملی ہے اس وجہ سے وہ بچوں کے اسکول کی فیسیں بھی نہیں دے سکے ہیں۔ میں معزرت خواہ ہوں لیکن میرے پاس یہی ایک آپشن بچا تھا“۔ ساتھ ہی ہیکر نے عمران خان کو پکارتے ہوئے سوال کیا کہ کہ کیا یہی ہے نیا پاکستان؟
پاکستان کے سربیا کے سفیر شہریار اکبر خان نے میڈیا زرائع کو وضاحت دیتے ہوئے کہا کہ سفارت خانے کے تمام عملے کو تنخواہیں دی جاچکی ہیں اور جہاں تک اس ٹوئٹ کا سوال وہ اکاؤنٹ ہیک ہونے کا نتیجہ ہے۔
ہیکر نے عمران خان کے مشہور زمانہ جملے “گھبرانا نہیں ہے“ پر بنائے گئے ایک گانے کی ویڈیو بھی شئیر کی۔ فی الوقت سربیا میں پاکستانی سفارت خانے کے سوشل میڈیا اکاؤنٹس معطل کردئیے گئے ہیں البتہ یہ واقعہ ٹوئٹر پر ٹاپ ٹرینڈ بن چکا ہے۔