کراچی کے نسلہ ٹاور کو سپریم کورٹ کے احکامات کی روشنی میں گرائے جانے کا عمل جاری ہے، 15 منزلوں سے زائد کی عمارت کو گرانے کے لیے وقت درکار ہے۔
نسلہ ٹاور کو گرانے کے لیے کُل 400 مزدور حصہ لے رہے ہیں جبکہ عمارت کی دیواروں کو گرانے کا عمل تقریبات مکمل ہو چکا ہے۔
کاروباری علاقے میں قائم نسلہ ٹاور کو شروعات میں بم دھماکے سے گرانے کا فیصلہ کیا جا رہا تھا مگر اطراف کی عمارتوں اور جانی نقصانے کے پیشے نظر یہ فیصلہ مؤخر کر دیا ہے، البتہ بھاری مشینری اور مزدوروں کی مدد سے عمارت کو توڑنے کا سلسلہ جاری ہے۔
اگرچہ یہ طریقہ کار وقت لے گا مگر اس طرح جانی اور مالی نقصان سے بچا جا سکے گا۔
منزل کے اعتبار سے نسلہ ٹاور کی 15 ویں منزل کی دیواریں اور چھتیں توڑی جا چکی ہیں۔ اس طرح اوپر کی منزلوں کو توڑت ہوئے مزدور نیچے آئیں گے۔ اور پھر بھاری مشینری کا استعمال کیا جائے گا۔ عمار کو گرانے کے لیے 24 گھنٹے کام کیا جا رہا ہے جبکہ اطراف کی سڑک کو بھی کسی بھی قسم کے ٹریفک کے لیے بند کر دیا گیا ہے۔