اگست میں شادی کے بعد اب ولیمہ جنید صفدر کا ولیمہ 17 دسمبر کو لاہور کے جاتی امراء میں منعقد کیا گیا ہے تاہم ولیمے سے پہلے خصوصی تقریبات کا سلسلہ جاری ہے جس کی کئی ویڈیوز سوشل میڈیا پر وائرل ہو رہی ہیں۔
انہیں میں سے ایک ویڈیو ایسی سامنے آئی تھی جس میں دیکھا جا سکتا تھا کہ جنید صفدر کے ماموں حمزہ شہباز گانا گا رہے تھے تاہم اب ماموں کے بعد جنید کی والدہ مریم نواز نے بھی کسی سے پیچھے نہ رہتے ہوئے اپنی میٹھی آواز میں گانا گُنگُنا دیا ہے۔
مریم نواز کی یہ ویڈیو سوشل میڈیا پر خوب وائرل ہو رہی ہے جس میں مریم نواز ''جب کوئی بات بگڑ جائے جب کوئی مشکل پڑ جائے تم دینا ساتھ میرا'' گانا گُنگُنا رہی ہیں اور لوگ اِن کی آواز سے محضوض ہو رہے ہیں۔
یاد رہے کہ جنید صفدر کی شادی میں مریم نواز مصروفیات کے باعث شرکت نہیں کر سکیں تھیں تاہم اب بیٹے کے ولیمے پر انہوں نے 15 دن کے لئے تمام سیاسی سرگرمیاں معطل کر کے صرف فیملی کو وقت دینے اور بھرپور انجوائے کرنے کا فیصلہ کیا ہے، جنید صفدر اور ان کی اہلیہ عائشہ کا ولیمہ 17 دسمبر کو جاتی امراء میں منعقد کیا گیا ہے۔