سیالکوٹ میں ہونے والے واقعے میں ہجوم کے ہاتھوں قتل ہو جانے والے، غیر ملکی سری لنکن شہری، پریانتھا کمارا کی ان کے آبائی علاقے میں، آخری رسومات ادا کردی گئی۔
میت کو اہلِ خانہ کے حوالے کرنے بعد رقت آمیز مناظر سامنے آئے ہیں۔ جہاں والدہ کو اپنے بیٹے کی میت کے ساتھ لپٹ کر روتے ہوئے دیکھا جاسکتا ہے۔
ایک تصویر میں پریانتھا کمارا کی والدہ کو رشتے دار دلاسہ دے رہے ہیں۔
ایک اور تصویر میں مرحوم منیجر کی اہلیہ اور دو بیٹے بھی موجود ہیں۔
دوسری جانب رقت آمیز مناظر کی تصاویر سوشل میڈیا پر وائرل ہوگئیں اور پاکستانی صارفین کی جانب سے دکھ اور غم کا اظہار کیا جارہا ہے
واضح رہے کہ 3 دسمبر جمعے کے روز نجی کمپنی کے غیر ملکی مینجر پر توہین مذہب کا الزام لگا کر مشتعل افراد نے تشدد کر کے ہلاک کرنے کے بعد ان کی لاش کو آگ لگا دی تھی۔