ایسا اکثر دنیا کے مختلف ممالک میں دیکھنے میں آتا ہےکہ آسمان سے کوٸی ستارہ ٹوٹتا ہوا نیچے آکر اچانک غائب ہوجائے۔ ایسے تیز روشنی والے ستارے کو 'شہاب ثاقب' کہا جاتا ہے۔
اور اب سوشل میڈیا پر ایک ویڈیو واٸرل ہو رہی ہے جس میں شہاب ثاقب ستارے کو کراچی میں گرتے دیکھا گیا ہے جس کے ویڈیو مناظر انتہائی دلچسپ ہیں۔
کل بروز ہفتہ شام 7 بج کر 15 منٹ پر شہاب ثاقب ستارہ گرنے کے مناظر دیکھنے میں آئے اور کراچی کے علاقے ملیر میں واقع ایک گھر کے باہر لگے سی سی ٹی وی کیمرے نے شہاب ثاقب گرنے کا منظر قید کیا۔
ویڈیو سوشل میڈیا پر وائرل ہو رہی ہے جبکہ اس کے علاوہ زمین کی جانب آتے ہوئے جلتے شہاب ثاقب کی دیگر ویڈیوز بھی سوشل میڈیا پر زیر گردش ہیں۔
ماہرین کے مطابق شہاب ثاقب میں مختلف اقسام کی گیسز اور کیمیکل موجو ہوتے ہیں، اور یہ ستارہ آکسیجن اور کشش ثقل کی وجہ سے جل جاتا ہے۔