ملک میں سونے کی قیمتوں میں ایک بار پھر کمی ریکارڈ کی گئی ہے۔ گزشتہ روز فی تولہ سونا 5 ہزار 700 روپے مہنگا ہونے کے بعد آج 4 ہزار 700 روپے سستا ہو گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق سونے کی فی تولہ قیمت میں 4 ہزار 700 روپے کمی کے بعد نئی قیمت 4 لاکھ 55 ہزار 562 روپے ہو گئی ہے۔ اسی طرح 10 گرام سونے کی قیمت میں 4 ہزار 30 روپے کمی ریکارڈ کی گئی، جس کے بعد 10 گرام سونا 3 لاکھ 90 ہزار 570 روپے کا ہو گیا ہے۔
عالمی مارکیٹ میں بھی سونے کے نرخوں میں کمی دیکھی گئی، جہاں سونا 47 ڈالر فی اونس سستا ہو کر 4 ہزار 332 ڈالر فی اونس کی سطح پر آ گیا ہے۔
دوسری جانب چاندی کی قیمت میں بھی کمی ریکارڈ کی گئی ہے، چاندی کی فی تولہ قیمت 106 روپے کمی کے بعد 7 ہزار 756 روپے ہو گئی ہے۔