مشہور نیٹ فلکس سیریز منی ہائسٹ کے ہیرو الوارو مورٹے کے پاکستانی ہمشکل جو اکثر سوشل میڈیا پر منظر عام پر آتے رہتے ہیں، انہوں نے ندا یاسر کے پروگرام میں انٹری دے دی۔
معروف میزبان ندا یاسر کا پروگرام اس لیئے مقبولیت حاصل کرتا ہے کیونکہ جو کوئی بھی سوشل میڈیا پر وائرل ہوتا وہ ندا یاسر کے شو میں مہمان خصوصی بن جاتا ہے۔
وہیں اب منی ہائسٹ کے ہیرو الوارو مورٹے کے پاکستانی ورژن جن کا نام اسرار خان ہے، ندا یاسر کے پروگرام میں مہمان مدوع کئے گئے۔
اسرار خان منی ہائسٹ سیریز کے آںے کے بعد سوشل میڈیا پر وائرل ہوئے کیونکہ ان کی شکل، بال کا اسٹائل بھی الوارو مورٹے جیسا ہے۔اسرار خان شادی شدہ ہیں۔
الوارو مورٹے کے ہمشکل اسرار خان کا شو کے دوران بتانا تھا کہ اُن کی والدہ اُن میں اور اداکار الوارو مورٹے میں فرق نہیں کر پاتی ہیں جبکہ اُن کی اہلیہ کا کہنا ہے کہ وہ اداکار الوارو مورٹے میں بالکل نہیں ملتے ہیں۔ اُن کی اہلیہ کا کہنا ہے کہ پتہ نہیں کن لوگوں کا کہنا ہے کہ وہ اداکار الوارو مورٹے سے ملتے ہیں۔
اسرار خان کا مزید کہنا تھا کہ اُن کا تعلق میڈیا شعبے سے ہے، بچپن ہی سے انہیں اداکاری اور چوری کرنے کا بہت شوق تھا۔