سوشل میڈیا پر سعد حسین رضوی کے نکاح سے متعلق کافی چرچہ ہو رہا ہے، مذہبی جماعت سے تعلق رکھنے والے سعد رضوی سوشل میڈیا سمیت میڈیا کی خبروں میں ہیں۔
ہماری ویب ڈاٹ کام کی اس خبر میں آپ کو سعد حسین رضوی کی شادی سے متعلق بتائیں گے۔
مذہبی جماعت کے رہنما سعد حسین رضوی کا نکاح آج دوپہر کو ان کی ماموں کی بیٹی سے طے پایا ہے، نکاح کی تقریب اٹک شہر میں منعقد ہوگی۔
سادگی سے ہونے والے اس نکاح میں مرد حضرات شامل ہوئے جبکہ خواتین دلہن کے پاس موجود تھیں۔
سعد حسین رضوی کا ولیمہ 6 فروری کو سبزہ زار اسٹیڈیم لاہور میں منعقد ہوگا جبکہ اس ولیمے کی تقریب میں عام کارکنان کو بھی مدعو کیا جائے گا۔
جبکہ مذہبی جماعت کے سرپرست اعلیٰ قاضی محمود اعوان نکاح خواں ہوں گے جبکہ نکاح کا خطبہ حافظ انس حسین رضوی دیں گے۔