کراچی میں گرمی کے موسم کا آغاز ہوچکا ہے اور اس حوالے سے محکمہ موسمیات نے آنے والے دنوں میں موسم مزید گرم رہنے کی پیشن گوئی بھی کردی ہے۔

15 مارچ تک درجہ حرارت بڑھ جائے گا

محکمہ موسمیات کے مطابق ہفتے کے روز سے کراچی میں سمندری ہوائیں چلنا بند ہوگئی ہیں جس کی وجہ سے گرمی کی شدت میں اضافہ ہوا ہےاور آج بھی گرمی برقرار رہے گی ۔ محکمہ موسمیات کا کہنا ہے کہ اس وقت کراچی کا درجہ حرارت 22 ڈگری سینٹی گریڈ ہے جو 15 مارچ تک 36 سے 38 ڈگری سینٹی تک چلا جائے گا۔

پندرہ مارچ تک موسم کی شدت میں اضافے کے حوالے سے محکمہ موسمیات نے مزید بتایا کہ اس دوران شہر میں سمندری ہوائیں بند رہیں گی جبکہ شمال مغرب سے گرم اور خشک ہوائیں چلنے کا امکان ہے