شہرِ قائد ان دنوں شدید سرد موسم کی لپیٹ میں ہے جہاں کم سے کم درجہ حرارت 6 ڈگری سینٹی گریڈ تک ریکارڈ کیا گیا۔ محکمہ موسمیات کے مطابق گزشتہ رات شہر میں کم سے کم درجہ حرارت جناح ٹرمینل پر 6، گلستان جوہر اور شاہراہ فیصل پر 9، ماڑی پور اور بن قاسم میں 10 سے 10.5 ڈگری سینٹی گریڈ ریکارڈ کیا گیا۔
محکمہ موسمیات نے پیشگوئی کی ہے کہ آئندہ 24 گھنٹوں کے دوران موسم خشک اور رات میں سرد رہے گا اور کم سے کم درجہ حرارت 8 سے 10 ڈگری سینٹی گریڈ کے درمیان رہنے کا امکان ہے۔ شہر میں زیادہ سے زیادہ درجہ حرارت 24 ڈگری سینٹی گریڈ تک رہ سکتا ہے۔
شہر میں نمی کا تناسب 44 فیصد ہے اور شمال مشرق سے ہوائیں 7 کلومیٹر فی گھنٹہ کی رفتار سے چل رہی ہیں۔