موت کا ایک دن مقرر ہے اور وہ تب ہی آنی ہے۔ یہی کچھ ہوا ہے رحیم یارخان میں جہاں نہر کنارے کچے راستے سے اپنی منزل پر جاتے ہوئے پوری کی پوری فیملی نہر میں ڈوب کر انتقال کر گئی ہے۔
صبح سویرے یہ انتہائی افسوسناک حادثہ کوٹ سمابہ کے قریب 86 والا پل کے قریب تب پیش آیا جب مین روڈ پر ٹریفک جام ہونے کے باعث نہر کنارے کچہ راستہ استعمال کیا گیا۔ تفصیلات کے مطابق اس حادثہ میں 2 خواتین اور 2 بچوں سمیت 7 افراد انتقال ہوگیا ہے۔
واضح رہے کہ ریسکیو ذرائع کے مطابق حادثے میں جاں بحق ہونے والے تمام افراد کا تعلق ایک ہی خاندان سے بتایا جا رہا ہے۔ مزید یہ کہ اب انکی لاشیں نہر سے نکال لی گئی ہیں۔