رمضان المبارک کے آنے سے پہلے ہی سعودی حکومت کی جانب سے چند ایسے احکامات دیے گئے ہیں جس نے سب کی توجہ حاصل کر لی۔
سعودی حکومت کی جانب سے تمام مساجد میں نماز کی براہ راست نشریات پر پابندی عائد کر دی ہے، رمضان کے مقدس مہینے میں مساجد کے اندر امام مسجد اور نمازیوں کی تصاویر اور ویڈیوز بنانے پر پابندئ عائد کر دی گئی ہے۔
اس صورتحال میں پاکستانیوں کا کیا ہوگا کیونکہ سعودی عرب کی مقدس مساجد میں پاکستانی تو سیلفیز اور تصاویر بنانے سے باز نہیں آتے ہیں۔
دوسری جانب مساجد میں افطار کرانے والوں کے لیے احکامات جاری کیے گئے ہیں جس کے مطابق افطاری کرانے سے پہلے اجازت درکار ہوگی۔ جبکہ این جی اوز افطاری روزے داروں تک امام مسجد کے ذریعے ہی پہنچا سکیں گے۔
افطار پارٹیز کے حوالے سے کہنا تھا کہ افطار پارٹیز سے پہلے بھی احکامات پر عمل درآمد لازمی ہوگا۔