اگر آپ نے جہاز پر سفر کیا ہوگا تو اس میں ملنے والے خوش شکل کھانے کے ذائقے نے آپ کو شاید کافی مایوس کیا ہو۔ کیوں کہ جتنا اچھا وہ دیکھنے میں لگتا ہے اتنا بھلا ذائقہ نہیں ہوتا۔ لیکن ایسا کیوں ہے؟ اس کے علاوہ جہاز پر دنیا بھر سے مختلف ثقافتوں کے لوگ آتے ہیں جن کے لیے کھانا زمین سے ہزار فٹ کی بلندی پر جہاز میں ہی بنایا جاتا ہے۔ آئیے آج کے آرٹیکل میں ہم ان تمام پہلوؤں پر بات کرتے ہیں اور اپنے قارئین کو یہ جہاز میں کھانا پکانے کے عمل کے بارے میں دلچسپ باتیں بتاتے ہیں۔

جہاز پر کھانے کا ذائقہ کیوں محسوس نہیں ہوتا

اس حوالے سے آکسفورڈ یونیورسٹی کے سائیکالوجی کے ماہر چارلس سپینز کا کہنا ہے کہ جہاز پر کھانے کا ذائقہ محسوس نہ ہونے کی 3 وجوہات ہوسکتی ہیں۔ جن میں سے ایک نمی کا کم تناسب، دوسرا ہوا کا کام دباؤ اور تیسرا جہاز کا بہت زیادہ شور جو ذائقے کی حس پر اثر انداز ہوتا ہے.

کیا جہاز میں تازہ کھانا پکتا ہے؟

عام طور پر خیال کیا جاتا ہے کہ شاید جہاز میں فروزن فوڈ رکھا جاتا ہوگا لیکن ماہرین اس نظریے کی تردید کرتے ہیں۔ جہاز پر کھانا بنانے والوں کا کہنا ہے کہ 95 فیصد جہاز میں تازہ کھانا پکایا جاتا ہے۔

مختلف ورائٹی

چونکہ دنیا بھر سے مختلف مذاہب اور ثقافتوں کے لوگ جہاز میں سفر کرتے ہیں اس لئے خیال رکھا جاتا ہے کہ سب کے لئے کھانے میں پیٹ بھرنے کی کوئی چیز موجود ہو جیسے جو لوگ گوشت نہیں کھاتے ان کے لئے سلاد یا سبزی کی کوئی ڈش موجود ہوتی ہے۔

جہاز میں کھانا پیک کرکے کیوں دیا جاتا ہے؟

ہمیشہ نہیں لیکن زیادہ تر کھانا دیتے ہوئے اسے پیک کردیا جاتا ہے کیونکہ جہاز کے اندر کافی جراثیم ہوتے ہیں جن سے کھانے کو بچانے کے لئے ان پر پلاسٹک کی تہہ چڑھادی جاتی ہے۔