بلدیہ اتحاد ٹاؤن میں لڑکے نے والد کے پستول سے گولی مار کر خودکشی کرلی۔
اتحاد ٹاؤن کے علاقے بلدیہ کربلا گراؤنڈ سلطان زیب ڈیرے کے قریب گھر سے 14 سالہ لڑکے کی گولی لگی لاش سول اسپتال منتقل کی گئی۔ جہاں متوفی کی شناخت عبداللہ ولد علی بخش کے نام سے ہوئی۔
پولیس کے مطابق ابتدائی تفتیش کے مطابق واقعہ خودکشی کا معلوم ہوتاہے۔ عبداللہ گھر میں اکیلا تھا کہ اس نے اپنے والد کے لائسنس یافتہ پستول سے خود کو گولی مار کر خودکشی کرلی۔ متوفی کا تعلق مگسی قبیلے سے تھا۔
تفتیش میں یہ بھی سامنے آیا کہ عبداللہ نے خودکو گولی مارنے سے قبل ویڈیو پیغام ریکارڈ کیا تھا۔