آپ نے غور کیا ہوگا جب ہم گھر سے باہر نکلتے ہیں تو سڑکوں پر موجود اکثر درختوں پر مختلف رنگوں پینٹ کیے گئے ہوتے ہیں لیکن ان میں زیادہ تر درختوں کو سفید رنگ سے پینٹ کیا جاتا ہے۔ لوگوں کے ذہن میں سوال پیدا ہوتا ہے کہ بھلا درخت پر رنگ کرنے کی کیا ضرورت ہے۔ تو آئیے آج آپ کو اس سوال کا جواب دے دیتے ہیں۔

کیڑا لگنے سے بچانے کے لئے

درختوں پر سفید رنگ کرنے کی کئی وجوہات ہیں۔ اس کی ایک وجہ تو یہ ہے کہ درخت کی لکڑی میں کیڑا لگ جاتا ہے اور پینٹ کی وجہ سے درخت کیڑا لگنے سے بچ جاتا ہے۔

رات کو گاڑیاں دور سے درخت کو دیکھ لیں

دوسری وجہ یہ ہے کہ سفید رنگ رات کو بھی نمایاں ہوتا ہے۔ اس وجہ سے رات میں کوئی گاڑی سفر کرے تو وہ سائیڈ پر لگے درختوں سے ٹکر نہیں کھائے گی بلکہ اسے دور سے ہی پتہ چل جائے گا کہ سامنے درخت ہے۔

درخت فاریسٹ ڈپارٹمنٹ کے ہیں

درختوں پر سفید رنگ اس بات کی بھی علامت ہے کہ یہ درخت فاریسٹ ڈپارٹمنٹ کے ہیں لہذا انھیں کوئی کاٹنے کی کوشش نہ کرے۔ ایسا کرنے پر شہری کو سزا دی جاسکتی ہے۔