پنجاب اسمبلی میں ہونے والے انتخابات کے بعد اب معاملات آگے کی جانب بڑھنا شروع ہو گئے ہیں۔
وزیر اعلٰی منتخب ہونے کے بعد پرویز الٰہی اب اسپیکر پنجاب اسمبلی کے عہدے سے ہٹ چکے ہیں، جس کے بعد اب اسپیکر پنجاب اسمبلی کے لیے نام سامنے آنا شروع ہو گئے ہیں۔
پاکستان تحریک انصاف کی جانب سے اسپیکر پنجاب اسمبلی کے لیے نام سامنے آ گیا ہے، ذرائع کے مطابق پاکستان تحریک انصاف کے رہنما سبطین خان کو اسپیکر پنجاب اسمبلی بنانے کا فیصلہ کیا گیا ہے۔
ذرائے کے مطابق یہ فیصلہ نو منتخب وزیر اعلٰی پنجاب پرویز الٰہی اور پاکستان تحریک انصاف کے چئیر مین عمران خان کی ملاقات میں طے پایا۔
میانوالی سے تعلق رکھنے والے سبطین خان مسلم لیگ ق کے بھی رہنما رہ چکے ہیں، جبکہ 2002 میں میانوالی سے ق لیگ کے ٹکٹ پر کامیابی حاصل کی تھی۔