پاکستان کی سب سے بڑی عدالت سپریم کورٹ کی جانب سے پنجاب اسبملی کے ڈپٹی اسپیکر دوست مزاری کی رولنگ کالعدم قرار دی گئی جس کے بعد پرویز الہیٰ کو پنجاب کا وزیر اعلیٰ برقرار رکھا گیا۔
بنجاب میں حکومت میں آنے کے بعد سابق وزیر اعظم عمران خان کی جانب سے بڑے اعلانات کیے گئے ہیں۔
پاکستانی عوام سے گذشتہ روز ویڈیو لنک پر خطاب کرتے ہوئے عمران خان نے پنجاب میں ہیلتھ کارڈ، احساس پروگرام اور راشن پروگرام بحالی کا اعلان کیا۔
پاکستان تحریک انصاف کے چئیرمین نے کہا کہ ہیلتھ کارڈ، احساس پروگرام غربت کےخاتمے کے لیے ہی شروع کیےتھے لیکن امپورٹڈ حکومت نے ہیلتھ کارڈ اور احساس پروگرامز کو روک دیا تھا۔
عمران خان نے کہا کہ پنجاب میں ہماری حکومت آئی ہے اب ہیلتھ کارڈ احساس پروگرام بحال کریں گے راشن پروگرام بھی پنجاب میں شروع کرنے جا رہے ہیں راشن پروگرام کے ذریعے تیل، گھی، چینی وغیرہ کم قیمت پر عوام کو مل سکے گا۔