ہم میں سے اکثر لوگوں کی عادت ہوتی ہے جب تک طبعیت اتنی خراب نہ ہوجائے کہ بستر سے اٹھنا ممکن نہ رہے تب تک ڈاکٹر کو نہیں دکھاتے جب کہ ہمارا جسم ہمیں بہت پہلے سے ہی تنبیہہ کررہا ہوتا ہے۔ آج کے آرٹیکل میں ہم ایسی نشانیوں کا ذکر کریں گے جو ہمارا جسم ہمیں بتا رہا ہوتا ہے اور جن کو مسلسل نظرانداز کرنے سے بالآخر ہمیں اسپتال کا منہ دیکھنا پڑتا ہے۔
جسم میں نیل کے نشان کسی چوٹ کا نتیجہ ہوتے ہیں لیکن کبھی کبھار ایسا ہوتا ہے کہ بغیر کسی چوٹ کے بھی جسم پر نیل کا نشان دکھائی دینے لگتا ہے جس کی وجہ یہ ہوتی ہے کہ خون کی نالیوں سے خون رسنے لگتا ہے اور مختلف حصوں میں جم جاتا ہے۔ یہ خون کی بیماری کی نشانی بھی ہوسکتے ہیں۔
سکڑی ہوئی انگلیاں
انگلیاں دیر تک پانی میں جائیں تو جلد سکڑنے لگتی ہے لیکن اگر ایسا بلاوجہ ہو تو اس کی وجہ جسم میں پانی کی کمی اور تھائی رائیڈ کی بیماری بھی ہوسکتی ہے
پیروں میں سوجن
پیروں میں سوجن تھائی رائیڈ کی بیماری سے لے کر دل کے امراض اور خون کے نامناسب بہاؤ کی وجہ سے بھی ہوسکتی ہے۔ یہ اس بات کی نشانی بھی ہے کہ آپ بہت زیادہ نمک کا استعمال کررہے ہیں۔