مرحوم عامر لیاقت حسین کے پوسٹ مارٹم کا کرائی جائے گی یا نہیں اس حوالے سے گذشتہ روز خبر سامنے آئی تھی کہ سندھ ہائی کورٹ نے فریقین کی رضامندی سے عامر لیاقت حسین کے پوسٹ مارٹم کے فیصلے کے خلاف درخواست نمٹا دی ہے۔ عامر لیاقت کے بیٹے اور بیٹی نے جوڈیشل مجسٹریٹ کے پوسٹ مارٹم کی اجازت کو سندھ ہائی کورٹ میں چیلنج کیا تھا۔
عامر لیاقت کی پہلی اہلیہ بشریٰ اقبال اور ان کے بیٹا اور بیٹی کی جانب یہ کہا گیا ہے کہ پوسٹ مارٹم نہ کرایا جائے جبکہ دانیہ اور ان کی والدہ کی جانب سے پوسٹ مارٹم کرائے جانے کا مطالبہ کیا جارہا ہے۔
اب دانیہ شاہ کی والدہ کی جانب سے اس حوالے سے مزید نئے انکشافات کیئے گئے ہیں جو اس سے قبل کبھی نہیں سنے گئے۔ دانیہ شاہ کی والدہ نے بتایا کہ شادی کے بعد دانیہ لوہے سے بنے ایک کمرے میں رہتی تھی اور اس کمرے کے اندر ایک خفیہ لاکر موجود تھا جس میں 25 کروڑ روپے رکھے تھے۔
انڈیپینڈنٹ اردو کے مطابق دانیہ کی والدہ سلمیٰ بی بی عامر لیاقت کے بارے میں بتایا کہ جب عامر دانیہ کو لے کر سابق وزیراعظم عمران خان کے پاس گئے اور ان کی تصویر وائرل ہوئی تو اس کے بعد ایک شخص آیا اور عامر لیاقت کو 25 کروڑ روپے دے گیا، جس پر عامر لیاقت نے دانیہ کو بتایا کہ ان کو ایک ٹی وی چینل سے پیسے آئے ہیں۔ کل 40 کروڑ روپے ملنے ہیں، جن میں سے 25 کروڑ ملے ہیں۔
دانیہ کی والدہ کا کہنا تھا کہ عامر لیاقت کی موت سے چار دن قبل ان کی میری بیٹی کے ساتھ صلح ہوگئی تھی، جس کے ثبوت بھی موجود ہیں اور ان میں کچھ ثبوت میری بیٹی یوٹیوب اور انسٹاگرام پر بھی ڈال چکی ہیں۔
انہوں نے بشریٰ اقبال سے سوال پوچھتے ہوئے بھی کہا کہ بشریٰ اقبال کا دعویٰ ہے کہ میری بیٹی دانیہ کے باعث عامر لیاقت ڈپریشن میں جاکر فوت ہوئے، اس لیے دانیہ کو پھانسی دو۔ تو اس کے لیے بھی یہ ضروری ہے کہ عامر لیاقت کا پوسٹ مارٹم ہو تاکہ معلوم ہو سکے کہ ان کے اچانک موت کی وجہ کیا تھی۔ آپ کیوں پوسٹ مارٹم نہیں کرانا چاہتی؟
خیال رہے سابق رکن قومی اسمبلی عامر لیاقت 9 جون کو اپنے گھر میں مردہ حالت میں پائے گئے تھے۔ انکی اچانک موت نے کئی سوالات کھڑے کردیئے تھے جس کے ثبوت آج تک سامنے نہ آسکے۔