سارے دن کی تھکن کے بعد جب سونے لیٹتے ہیں تو سوائے آرام دہ انداز میں لیٹنے کے اور کچھ نہیں سوجھتا۔ جس میں بظاہر سب سے عام پوزیشن پیٹ کے بل سونے کی ہے۔ البتہ یہ ایک خطرناک انداز ہے اور اس سے آپ کئی بیماریوں میں مبتلا ہوسکتے ہیں۔ اس آرٹیکل میں ہم جانیں گے کہ پیٹ کے بل سونے سے آپ کو کیا مسائل ہوسکتے ہیں اور کس انداز میں سونا انسانی صحت کے لئے مفید ہے۔
پیٹ کے بل سونے کے نقصانات
پیٹ کے بل سونے سے جسم کا سارا بوجھ معدہ پر آپڑتا ہے جس کی وجہ سے تیزابیت کی شکایت ہونا عام بات ہے۔ اس انداز میں سونے سے کمر درد، گردن درد اور جوڑوں کے مختلف اقسام کے درد پیدا ہوجاتے ہیں کیوں کہ جسم بالکل الٹی حالت میں ہوتا ہے جو کہ درست نہیں۔
سیدھا یا کروٹ کے بل لیٹیں۔۔ ماہرین
مختلف ریسرچز کے مطابق سونے کا بہتری انداز یہ ہے کہ سیدھا یا پھر کروٹ کے بل سویا جائے۔ سیدھا سوتے ہوئے تکیہ بہت زیادہ اونچی نہ رکھیں کیوں کہ اس سے اٹھنے کے بعد گردن میں تکلیف ہوسکتی ہے۔ کروٹ کے بل سونے سے ریڑھ کی ہڈی بالکل درست انداز میں آرام کرسکتی ہے اس وجہ سے ماہرین اس طریقے کو زیادہ ترجیح دیتے ہیں۔