سندھ کی سیلاب زدہ عوام کے پاس ان کی مدد کو پہنچنے والے پیپلز پارٹی کے رہنماؤں کو سوشل میڈیا پر تنقید کا نشانہ بنایا جا رہا ہے۔
سندھ کی سیلاب سے متاثرہ عوام ان سے سوال کر رہی ہے اور ان سے مدد کی اپیل کر رہی ہے مگر سندھ حکومت کے نمائندگان کی جانب سے ان کی مدد نہیں کی جارہی جس کے عوام انہیں وہاں سے انہیں واپس جانے کا کہتی دکھائی دے رہی ہے۔
اس بات کا ثبوت یہ ویڈیو ہے جس میں اسپیکر سندھ اسمبلی آغا سراج درانی کو شکارپور میں سیلاب متاثرین نے گھیر لیا، جس کی وشل میڈیا پر تیزی سے ویڈیو وائرل ہوگئی۔
متاثرین نے سراج درانی سے کہا کہ آپ نے ہمیں قناتیں بھی فراہم نہیں کیں جس کے باعث ہماری خواتین نے کھلے آسمان کے نیچے رات گزاری۔
آغا سراج درانی نے سیلاب متاثرین کو جواب دیا کہ ایسا آپ نہیں بول رہے بلکہ کوئی اور بول رہا ہے۔ ویڈیو میں سندھ کی عوام کو آغا سراج درانی کے خلاف نعرے بھی لگاتے دیکھا جاسکتا ہے۔
جیسے ہی متاثرینِ سیلاب نے ان کے خلاف نعرے لگانا شروع کیے تو وہ عوام سے نکل کر اپنی گاڑی میں بیٹھ کر روانہ ہوگئے۔