میاں بیوی کی لڑائی عام سی بات ہے اور کھانے پینے پر تو اکثر ہی دونوں کے درمیان بحث جاری رہتی ہے۔ ایک ایسا ہی واقعہ پیش آیا جب میاں بیوی کے درمیان بریانی لڑائی کی وجہ بنی۔
یہ واقعہ بھارت میں پیش آیا جب رات کے کھانے میں شوہر کو اس کی مند پسند بریانی نہ ملنے پر اس نے بیوی پر چاقو کے وار کر کے زخمی کر دیا۔
انڈین میڈیا رپورٹس کے مطابق مذکورہ واقعہ ننڈڈ شہر میں31 اگست کی رات کو پیش آیا جب ملزم وکرم رات کے وقت نشے کی حالت میں گھر آیا اور کھانے میں بریانی نہ پکانے پر بیوی سے لڑائی کرنے لگ گیا۔
لڑائی اتنی بڑھ گئی کے شوہر نے بیوی پر چاقو سے وار کر کے زخمی کر دیا۔
دوسری جانب پولیس نے ملزم وکرم کے خلاف مقدمہ درج کرلیا ہے لیکن تاحال ملزم کو گرفتار نہیں کیا جاسکا۔