سابق وزیراعظم عمران خان پر فردِ جرم عائد کرنے کا فیصلہ۔ اسلام آباد ہائی کورٹ نے خاتون جج کو دھمکانے پر توہینِ عدالت کے کیس میں عمران خان پر فردِ جرم عائد کرنے کا فیصلہ کیا ہے۔ عدالتی اعلان کے مطابق فرد جرم 22 ستمبر کو عائد کی جائے گی۔

جنگ نیوز کے مطابق عمران خان جو کیس کی سماعت کے لئے موجود تھے انھوں نے جج سے کچھ کہنے کی اجازت طلب کی جس پر فاضل جج کا کہنا تھا کہ انھوں نے وکلاء کو سن لیا ہے۔

خاتون جج کو دھمکانے کا سوچ بھی نہیں سکتا

واضح رہے کہ پچھلے دنوں پی ٹی آئی کے جلسے سے خطاب کے دوران عمران خان نے خاتون مجسٹریٹ کا نام لے کر مقدمہ درج کرنے کا اعلان کیا تھا جس کے بعد ہائی کورٹ نے عمران خان پر توہینِ عدالت کا کیس دائر کیا۔ عمران خان اس حوالے سے تحریری جواب بھی عدالت میں جمع کرواچکے ہیں جس میں ان کا موقف ہے کہ وہ خاتون جج کو دھمکانے کے بارے میں سوچ بھی نہیں سکتے اور اپنے الفاظ پر شرمندہ ہیں۔