کراچی میں شدید گرمی کی وجہ سے شہری سخت پریشان ہیں۔ گزشتہ کئی روز سے درجہ حرارت بڑھنے کی وجہ سے ماحول میں حبس اور گھٹن ہے۔ البتہ محکمہ موسمیات نے خوشخبری سنادی ہے۔ جنگ نیوز کی خبر کے مطابق محکمہ موسمیات نے کراچی سمیت سندھ کے دیگر شہروں بدین، عمر کوٹ اور تھرپارکر میں آج اور کل آندھی کے ساتھ تیز بارش کی پیشن گوئی کی ہے۔
محکمہ موسمیات نے بتایا کہ ہوا کا کم دباؤ مشرقی بھارت میں موجود ہے جس کی وجہ سے اسلام آباد، پنجاب، کشمیر، گلگت بلتستان اور خیبر پختون خواہ میں بھی بارش کا امکان ہے۔