کراچی کے علاقے کورنگی میں ڈکیتی کی واردات دو نوجوانوں نے مل کر بہادری کے ساتھ ناکام بنا دی۔
کراچی کے علاقے کورنگی انڈسٹریل ایریا میں بینک سے نکلنے والے 2 نوجوانوں نے ڈکیتی کی کوشش ناکام بنا دی، 2 ملزمان کو انہی کے اسلحے سے فائرنگ کر کے ہلاک کر دیا۔
یہاں یہ معاملہ بھی سامنے آیا ہے کہ مقابلے کے دوران بچائی گئی رقم شہری لوٹ کر لے گئے ہیں۔
سینئر سپرنٹنڈنٹ پولیس کورنگی فیصل بشیر میمن نے واقعے کی تفصیلات بتاتے ہوئے کہا کہ کورنگی انڈسٹریل ایریا میں واقع بینک الحبیب سے 2 نوجوانوں ابرار اور فیضان نے 50 ہزار کی رقم نکلوائی تھی۔
دونوں موٹر سائیکل پر گھر جا رہے تھے کہ ایک اور موٹر سائیکل پر سوار 2 ملزمان نے ان کا تعاقب کیا اور سنسان جگہ پر روک کر ان سے پیسے لوٹنے کی کوشش کی۔
ہلاک ہونے والے دونوں ملزمان کی شناخت ابھی تک نہیں ہوسکی تاہم ان کی لاشیں جناح اسپتال منتقل کر دی گئی ہیں۔