پشاور: چیئرمین پاکستان تحریک انصاف و سابق وزیراعظم عمران خان نے کارکنوں کو تیاری کا حکم دیتے ہوئے کہا ہے کہ اسلام آباد جانے کا فیصلہ کرلیا ہے، کسی بھی وقت کال دے سکتا ہوں۔
خیبرپختونخوا کے پارٹی کارکنوں و رہنماؤں سے خطاب کے دوران انہوں نے کہا کہ امپورٹڈ حکومت کو مزید وقت نہیں دے سکتے، اسلام آباد جانے کا فیصلہ کرلیا، کارکن کال کا انتظار کریں اورارکان اسمبلی مقامی قیادت کی مشاورت سے مارچ کی تیاری کریں۔
علاوہ ازیں اپنے ایک ٹوئٹر پیغام میں ان کا کہنا تھا کہ حکومت معیشت کو تباہی سے بچانےمیں ناکام رہی۔آئی ایم ایف اور عالمی بینک کی رپورٹس سے ظاہر ہے کہ بلندی کی جانب گامزن ایک مستحکم معیشت ملنے کے باوجود یہ امپورٹڈ حکومت معیشت کو تباہی کے گڑھے میں گِرنےسےبچانےمیں ناکام رہی۔
عمران خان کا کہنا تھا کہ امپورٹڈ سرکار مکمل طور پر بےسمت بھٹک رہی ہے۔ مجرموں کے اس گروہ کا واحد کارنامہ یہ ہے کہ انہوں نے پاکستان کے چوری کئے گئے اربوں روپے پر ایک اور این آر او حاصل کرلیا ہے۔