پاکستان کے سابق وزیر اعظم عمران خان ان دنوں ایک بار پھر سب کی توجہ حاصل کر گئے ہیں، اس ایک بڑی وجہ یہ بھی ہے کہ پنجاب اسمبلی میں ان کی پارٹی نے ن لیگ کو شکست دے دی۔
ہماری ویب ڈاٹ کام کی اس خبر میں آپ کو انہی سے متعلق دلچسپ معلومات فراہم کریں گے۔
سوشل میڈیا پر مشہور عالمی شہرت یافتہ کھلاڑی اور سابق وزیر اعظم عمران خان کے حوالے سے ایک ایسی ہی خبر نے سب کی توجہ حاصل کی ہے، جو کہ دلچسپی رکھتی ہے۔
کرکٹ پاکستان نامی ویب سائٹ کے مطابق پاکستان کرکٹ بورڈ کی جانب سے سابق پاکستانی کھلاڑیوں کو بھی پنشن لینے والوں میں شامل کر لیا ہے۔
سابق وزیر اعظم اور سابق ٹیسٹ کھلاڑی عمران خان کو بطور پنشن 1 لاکھ 54 ہزار روپے ملیں گے، جبکہ مزید 24 ٹیسٹ کھلاڑیوں کو بھی اتنی ہی پنشن ملے گی۔
دوسری جانب 7 کھلاڑیوں کو 1 لاکھ 48 ہزار روپے اور 32 کھلاڑیوں کو 1 لاکھ 42 ہزار روپے پنشن ملے گی۔
اس پنشن کا اطلاق فروری 2023 سے ہوگا، جبکہ پنشن کی تین کیٹیگری بنائی گئی تھیں، کیٹیگری اے میں وہ کھلاڑی رکھے گئے تھے جنہوں نے 21 یا اس سے زائد ٹیسٹ میچز کھیلیں ہوں، انہیں 54 ہزار سے 1 لاکھ 54 ہزار روپے پنشن ملے گی۔
کیٹیگری بی کے کھلاڑی، جنہوں ںے 11 سے 20 ٹیسٹ میچز کھیلے ہوں، انہیں 48 ہزار سے 1 لاکھ 48 ہزار روپے پنشن ملے گی، جبکہ کیٹیگری سی میں شامل وہ کھلاڑی جنہوں نے 10 یا اس سے کم میچز کھیلے ہوں، انہیں 42 ہزار سے لے کر 1 لاکھ 42 ہزار روپے پنشن ملے گی۔